ମଣିଷ ଜନମ...

ପଶୁ ଟେ ହୋଇବ , ପକ୍ଷୀ ଟେ ହୋଇବ

ମଣିଷ ହୋଇବ ନାହିଁ ,

କାନ୍ଦି , କାନ୍ଦି ତୁମ ରାତି ପାହିଯିବ ,

ଲୁହ ତ ଶୁଖିବା ନାହିଁ !!

ମଣିଷ ଜନମ ଅଭିଶାପଟିଏ

କେଉଁ ପାପ କଲେ ମିଳେ,

ସଭିଏଁ କୁହନ୍ତି ଦୁର୍ଲଭ ଜନମ

ମୁଁ ଏକୁ ମାନେନ ତିଳେ !!

ସ୍ୱାଧୀନତା ନାହିଁ ଏହି ଜନମ ରେ

ସାଧୁ ଲୋକ ହୁଏ ଦୋଷୀ ,

ପାପ ଲେଖା ଥାଏ ଅନ୍ୟ କପାଳ ରେ

ଅନ୍ୟ ଜଣେ ପାଏ ଶାସ୍ତି !!

ଜଗତ ଚଳାଏ ସୈତାନ ଏଠି

ଭଗବାନ କଥା ମିଛ ,

ସବୁ ଜନମରେ ଖୁସିରେ ରହିବୁ

ମଣିଷ ଜନମ ତୁଚ୍ଛ !!

ମିଛ କହୁଥିଲେ ବଞ୍ଚିବୁ ତୁ ଭାଇ

ପୁଣ୍ୟ କଲେ ହବୁ ନିନ୍ଦା,

ମଣିଷ ଜନମ ଏଇଟା ରେ ଭାଇ

ମନେ ରଖିଥିବୁ ସଦା !!

---

ରଚନା : କୌଶଲ୍ୟା ବେହେରା

ଠିକଣା : ବାସୁଦେବପୁର, ଭଦ୍ରକ