ହାଏରେ ଆତତାୟୀ ମନୁଷ୍ୟ

ମର୍ତ୍ତ୍ୟମଣ୍ଡଳେ ଦେହ ବହି ଅନେକ ସନ୍ତାନ ଜନ୍ମ ନେଇ

ପୁଣ୍ୟମାଟିର ମୌଡ଼ମଣି ସାଜି ହୋଇରହିଛନ୍ତି ଚାହିଁ,

କେଜାଣି କେତେ ଯେ, ଦୁର୍ଲଭ ଦୃଶ୍ୟ ଯେ ଦେଖିବାକୁ ଏହା ମିଳଇ

କଳିଯୁଗର ସନ୍ତାନ ମାନେ ଯେ ଦୁର୍ନୀତି ଗ୍ରସ୍ତ ହୋଇ |

ଷଡ଼ରିପୁରେ ଯେ ପରିପୂର୍ଣ୍ଣ ଆଜି ମାନବ ଜାତିର କୂଳ

ଶୋକାକୋଳ ପରିବେଶ ପାଇଁ ଏହା ସବୁରି ଅନର୍ଥର ମୂଳ,

ଆସ୍ତିକ ମାନଙ୍କ କମି ଏହିଠାଇଁ, ନାସ୍ତିକ ମାନଙ୍କ ବୃଦ୍ଧି,

ସର୍ବେ ଚାଲିଥାନ୍ତି ନିଜ କର୍ମ ପଥେ, ମନରେ ନରଖି ଶୁଦ୍ଧି।

ସ୍ବାର୍ଥପରତାର ଢାଙ୍କୁଣୀ ଘୋଡ଼ାଇ, ସର୍ବେ ଯାନ୍ତି ଅନ୍ଧହୋଇ

ନିର୍ମମ ଭାବେ ହତ୍ୟା କରିବାକୁ, ପଛାଅନ୍ତି ନାହିଁ କେହି,

କରିଦିଅ ଦୂର ସ୍ବାର୍ଥପରତାକୁ ମନରେ ରଖି ଶାନ୍ତି

ବିଶ୍ବର ବିଶ୍ବାସ ହୋଇଯାଅ ସର୍ବେ, ମନରେ ନରଖି ଭ୍ରାନ୍ତି |

ଅତିମାତ୍ରାରେ ବୃଦ୍ଧି ପାଉଅଛି ବିଜ୍ଞାନ-ପ୍ରଯୁକ୍ତି ବିଦ୍ୟା

ଜାଗରେ ଜାଗରେ ସୁପ୍ତ ମାନବ ନକରି ଧର୍ମକୁ ପ୍ରତୀକ୍ଷା,

ବିଜ୍ଞାନ-ପ୍ରଯୁକ୍ତି ସମେତ ଧାର୍ମିକ ଭାବକୁ ଯୋଖୀ

ସଭିଏ ହୁଅ ଏକତ୍ରିତ ଆଜି, ବିଶ୍ବପ୍ରତିଷ୍ଠାକୁ ଆଖରେ ରଖ୍ |

---

ରଚନା : ପ୍ରଜ୍ଞା ପ୍ରିୟଦର୍ଶିନୀ ବେହେରା

ଠିକଣା : ନୟାଗଡ